ԱՍՔԱՆԱԶ ՄՌԱՎՅԱՆ

Պետական գործիչ, հրապարակախոս

Ծնվել է Ելիզավետպոլում (Գանձակ): 1915թ. ավարտել է Պետերբուրգի հոգենևրոլոգիական ինստիտուտը։ 1905թ-ից եղել է Կոմունիստական կուսակցության ակտիվիստներից Երևանում, Բաքվում, Թիֆլիսում, Պետերբուրգում: 1915-17թթ եղել է բոլշևիկյան «Պայքար» թերթի խմբագիրը։ 1917թ. խմբագրել է «Բանվորի կռիվ» թերթը։ 1920թ. նոյեմբերին եղել է ՀԽՍՀ հեղկոմի կազմում, 1921-23թթ՝ ՀԽՍՀ արտաքին գործերի ժողովրդական կոմիսարը, որի առաջին տարում հանդիսացել է Կարսի պայմանագրի ստորագրողներից մեկը։ 1923-29թթ եղել է լուսավորության ժողկոմ և ՀԽՍՀ Ժողկոմխորհի նախագահի տեղակալը, միաժամանակ եղել է «Խորհրդային Հայաստան» թերթի խմբագիրը։ Եղել է նաև ԽՍՀՄ Կենտրոնական գործադիր կոմիտեի անդամ։ Մահացել է Երևանում: