ԱՐՄԵՆ ԳԵՎՈՐԳՅԱՆ

Գեղանկարիչ

Ծնվել է 1958թ. հոկտեմբերի 23-ին, Երևանում: 1980թ. ավարտել է Երևանի Խ.Աբովյանի անվան պետական մանկավարժական ինստիտուտի գեղարվեստի բաժինը։ 1992թ-ից Հայաստանի նկարիչների միության անդամ է: Աշխատանքներից են՝ «Խաղ», «Պայքար», «Դերձակուհիներ», «Նետաձիգներ», «Երաժիշտներ», «Մարինետներ» թեմատիկ շարքերը (1990թ.), «Հեծյալ կինը» (1996թ.), «Թիթիռ որսացողները» (1998թ.), «Թղթախաղ» (2000թ.) և այլն: 1980թ-ից մասնակցել է հանրապետական, համամիութենական և միջազգային խմբակային ցուցահանդեսների: Ունեցել է անհատական ցուցահանդեսներ Երևանում (1996թ.), Մյունխենում (1999թ., 2000թ., 2001թ., 2003թ.), Քալիֆորնիայում (ԱՄՆ, 2001թ., 2002թ.):