ՊԱՎԵԼ ԱՐՍԵՆՈՎ

Դերասան, կինոռեժիսոր

Ծնվել է Թբիլիսիում: 1963թ. ավարտել է Մոսկվայի Կինեմատոգրաֆիայի պետական ինստիտուտի ռեժիսորական ֆակուլտետը` Գրիգոր Ռոշալի արվեստանոցը: Աշխատել է «Վրացֆիլմ», Մ.Գորկու անվան մանկապատանեկան ֆիլմերի, Մոսկվայի գիտահանրամատչելի ֆիլմերի, «Լադյա» կինոստուդիներում: Նկարահանվել է «Հայֆիլմ» կինոստուդիայի մի շարք ֆիլմերում: Որպես դերասան հանդես է եկել հետևյալ ֆիլմերում` «Մեր թաղի ձայները» (1960թ.), «Եռանկյունի» (1967թ.), «Գիսաստղ» (1983թ.), «Ճանապարհ դեպի քեզ» (1986թ.), որպես ռեժիսոր` «Արևածաղիկ» (1963թ.), «Լյոլկա» (1966թ.), «Փրկեք խեղդվողին» (1967թ.), «Եղնիկ-թագավորը» (1969թ.), «Այդ պահին ես ասացի ոչ…» (1973թ.), «Հալվայի համը» (1975թ.), «Զգացմունքի խառնաշփոթ» (1977թ.), «Բարև, գետ» (Յ.Գրիգորևի և Ի.Յասուլովիչի հետ համատեղ, 1978թ.), «Սիրելիներից մի բաժանվեք» (1979թ.), «Ապագայի հյուրեր» (1984թ.), «Երկնագույն գնդակ» (1987թ.), «Զմրուխտե քաղաքի հրաշագործը» (1994թ.): 1996թ. արժանացել է Ռուսաստանի արվեստի վաստակավոր գործչի կոչման: Մահացել է Մոսկվայում, թաղված է Մոսկվայի Շչերբինսկի գերեզմանատանը: