ԺՈՐԺ ՍԱՐԳԻՍՅԱՆ

Դերասան, բեմադրիչ, թարգմանիչ

Ծնվել է Արևմտյան Հայաստանի Խարբերդ քաղաքում: Մեծ ներդրում է ունեցել լիբանանահայ թատերական կյանքում: Եղել է Բեյրութի Համազգային մշակութային միություն «Գասպար Իփեկյան» թատերախմբի հիմնադիրներից, իսկ 1952թ-ից ղեկավարել է այն: Հյուրախաղերով հանդես է եկել Իրանում, Սիրիայում, Իրաքում, Եգիպտոսում, Կիպրոսում, ԱՄՆ-ում, Կանադայում, Արգենտինայում և Բրազիլիայում: Բեմադրել է ավելի քան 40 պիես, այդ թվում` Մուշեղ Իշխանի«Մեռնիլը որքան դժվար է», Լևոն Շանթի «Ինկած բերդի իշխանուհին», «Օշին Պայլ», «Հին աստուածներ», «Կայսրը», «Շղթայուածը», «Եսի մարդը», Ժակ Հակոբյանի «Կռունկը կը կանչե» պիեսները, Րաֆֆու «Ոսկի աքաղաղը» և այլն: Թարգմանել է 17 թատերախաղ: Մահացել է Բեյրութում: