ԻՐԻՆԱ ՄԱՐՉԵՆԿՈ

Դերասանուհի

Ծնվել է 1934թ. սեպտեմբերի 4-ին, Լենինգրադում (այժմ` Սանկտ Պետերբուրգ): 1959թ. ավարտել է Երևանի պետական համալսարանի բանասիրական ֆակուլտետը: Զուգահեռ հետաքրքրվել է թատերական արվեստով, հաճախել է դերասանական ստուդիա: 1959թ-ից աշխատում է Երևանի Կ.Ստանիսլավսկու անվան ռուսական դրամատիկական թատրնում` որպես դերասանուհի: Թատրոնում կերտել է ավելի քան 80 դեր մի շարք ներկայացումներում` Ա.Օստրովսկու «Անմեղ մեղավորները» (Գալչիխա), Մ.Չամանյանի «Վարդաձորյան տագնապ» (Փառանձեմ), Ն.Անկիլովի «Զինվորական այրին» (Պրոսկովյա), «Ռուսական արջ» (Սիլվիա Գիբսոն), Ջ.Պատրիկի «Ինչպես կարել տատիկին» (Պամելա), Ա.Գրիբոյեդովի «Խելքից պատուհաս» (Իշխանուհի-տատիկ), Ա.Չեխովի «Երեք քույր» (Անֆիսա) և այլն: Նկարահանվել է «Հին օրերի երգը» (1982թ.), «Սուրբ Ծնունդ» (2002թ.) ֆիլմերում: 2004թ. արժանացել է Հայաստանի վաստակավոր, 2008թ.` ժողովրդական արտիստի կոչման: