ՀԵՐԱՆՈՒՇ ԱՐՇԱԿՅԱՆ

Բանաստեղծ

Ծնվել է Կոստանդնուպոլսում: 1899-1902թթ սովորել է Մաքրիգյուղի ֆրանսիական իգական դպրոցում, ապա՝ Պեշիկթաշի Մաքրուհյաց հայկական վարժարանում։ Քնարաշունչ բանաստեղծություններում արտահայտել է հասարակական թախծոտ տրամադրություններ («Լրում», «Երկու ճամփաները», «Հույս», «Ղարիպը», «Լացին գիշերը», «Մահվան մոտ» և այլն), որոնք հեղինակի մահից հետո լույս են տեսել «Ծաղիկ» պարբերականում, ապա 1909թ. հրատարակվել առանձին գրքով։ Գրել է նաև մի շարք պատմվածքներ, նովելներ։ Նրա բանաստեղծությունները տեղ են գտել բազմաթիվ դասագրքերում և ժողովածուներում։ Բանաստեղծությունները լույս են ընծայվել նաև Հայպետհրատի կողմից, 1956թ.։ Մահացել է Կոստանդնուպոլսում, թոքախտից։