ՄԱՆՈՒԿ ՂԱԶԱՐՅԱՆ

Դաշնակահար

Ծնվել է 1983թ. հոկտեմբերի 23-ին, Երևանում: 9 տարեկան հասակից սկսել է նվագել դաշնամուր: 2000թ. ավարտել է Երևանի Սայաթ-Նովայի անվան երաժշտական դպրոցի հարվածային գործիքների բաժինը, 2004թ.` Երևանի Կոմիտասի անվան պետական կոնսերվատորիան: 2005թ. հիմնադրել է «Արտ Վոիսիս» խումբը: 2006թ. մասնակցել է «Jazz Appreciation Month», 2007թ.` երևանյան ջազ փառատոներին: 2009թ. հաղթել է Բուխարեստի ջազային մրցույթում: Նույն թվականից նվագել է նաև «Chiko & friends» խմբում: Համագործակցել է հայ երգարվեստի մի շարք ներկայացուցիչների և երաժիշտների հետ: 2007-10թթ աշխատել է «Գոհարափայլ» խմբում: 2010թ. թողարկել է առաջին ձայնասկավառակը: 2011թ-ից բնակվում և աշխատում է Մոսկվայում: