ԱԼԻՍ ԿԱՊԼԱՆՋՅԱՆ

Դերասանուհի

Ծնվել է 1952թ. դեկտեմբերի 1-ին, Երևանում: Դերասան Ալեքսանդր Խաչատրյանի կինն է: 1969-73թթ սովորել է Երևանի գեղարվեստաթատերական ինստիտուտի դերասանական ֆակուլտետում: 1973-91թթ աշխատել է Երևանի Գ.Սունդուկյանի անվան ազգային ակադեմիական թատրոնում` որպես դերասանուհի: Այդ ընթացքում թատրոնում խաղացել է բազմաթիվ դերեր, միաժամանակ նկարահանվել է «Հայֆիլմ» կինոստուդիայում ավելի քան 10 ֆիլմերում` «Մարդը Օլիմպոսից», «Խոնարհվիր վաղվա օրվան», «Հեծյալ, որին սպասում էին», «Մխիթար Սպարապետ», «Կապույտ Մավրիկի», «Ճանապարհ դեպի Սասունցի Դավիթ», «Հեղկոմի նախագահ» և այլն: 1992թ. տեղափոխվել է ԱՄՆ և բնակվում է Լոս Անջելես քաղաքում: Նկարահանվել է «Արմենիա» հեռուստաընկերության «Վերադարձ» (2010թ.), «US Արմենիա» հեռուստաընկերության «Ամերիկյան պատմություն» (2012թ.) և այլ հեռուստասերիալներում: