ԱՎԵՏԻՍ ԱԼԻՔՍԱՆՅԱՆ

Արձակագիր

Ծնվել է Կոստանդնուպոլսի Սկյուտար թաղամասում։ Սովորել է տեղի Պերպերյան և Կեդրոնական վարժարաններում։ 1950-ական թվականներից բնակվել է Փարիզում։ Գրել է պատմվածքներ, վիպակներ, վեպեր, նկարագրել սփյուռքահայության կյանքը, աշխատավորության պայքարը՝ ազատության և դեմոկրատիայի համար («Անունը Մասիս դրինք», 1964թ., «Երջանկություն», 1966թ.)։ Խմբագրել է ամսագրեր ու թերթեր Կ.Պոլսում («Ամսվան գիրքը», 1930թ., «Պատկեր», 1932-40թթ, «Այսօր», 1947-48թթ և այլն), Փարիզում («Լույս Փարիզի», 1957թ., «Լուսաղբյուր», 1958թ.)։ 1960թ-ից եղել է Փարիզի «Աշխարհ» թերթի խմբագիրը։ Եղել է նաև Ֆրանսահայ մշակութային միության պատվիրակ, Ֆրանսահայ գրողների ընկերակցության նախագահը: Օգտագործել է Ա., Ա.Ա., Ա.Ք., Ալեքս, Այսօր, Անահիտ, Անոնցմե մին, Աշխարհական, Ավո, Արվեստասեր, Ա.Գավազանակիր, Աշոտ Գիպարյան, Դետ, Թատերասեր, Սիտ-եվա, Ալեքս Վարդանյան, Վոսփոր, Աշոտ Քիպարյան ծածկանունները: Մահացել է Փարիզում: