ԷՄՄԱ ՍՏԵՓԱՆՅԱՆ

Դերասանուհի

Ծնվել է Էնգելիում: Բեմական գործունեությունն սկսել է 1934թ-ից, Երևանի բանվորական թատրոնում: 1936-44թթ Ամիրբեկյան ազգանունով եղել է Երևանի պատանի հանդիսատեսի թատրոնի առաջատար դերասանուհիներից, որտեղ 1939թ. խաղացել է Գիքորի դերը Հ.Թումանյանի «Գիքոր»-ում: 1944թ-ից եղել է Թբիլիսիի հայկական թատրոնի դերասանուհի: Անձնավորել է դրամատիկ, կատակերգական և բնութագրական դերեր մի շարք ներկայացումներում` Նար-Դոսի «Սպանված աղավնին» (Սառա), Ա.Կոթիկյանի «Օժիտով հարսնացուն» (Թագուկ), Մ.Լերմոնտովի «Դիմակահանդես» (Նինա), Վ.Շեքսպիրի «Օթելլո» (Դեզդեմոնա), «12-րդ գիշեր» (Վիոլա), Շիլլերի «Սեր և խարդավանք» (Լուիզա), «Ավազակներ» (Ամալյա), Ղազբեգիի «Ձորի նահապետ Գոչան» (Ղիձա) և այլն: 1982թ. նկարահանվել է «Հայֆիլմ» կինոստուդիայի «Գիքոր» ֆիլմում` Դեդիի դերում: 1964թ. արժանացել է Հայաստանի վաստակավոր, 1978թ.` Վրաստանի ժողովրդական արտիստի կոչման: Մահացել է Թբիլիսիում: