Encyclopedia
ԺԻՐԱՅՐ ՇԱՀՐԻՄԱՆՅԱՆ
Կոմպոզիտոր
Ծնվել է 1988թ. փետրվարի 5-ին, Երևանում: 2004թ. ավարտել է Երևանի Պ.Յավորովի անվան թիվ 131 հանրակրթական դպրոցը: 1995-2002թթ սովորել է Ա.Գաբրիելյանի անվան թիվ 12 երաժշտական դպրոցի դաշնամուրային և ստեղծագործական բաժինններում: 2003-04թթ կոմպոզիցիայի և տեսության դասեր է վերցրել կոմպոզիտոր Մարտուն Իսրայելյանից: 2004-10թթ սովորել է Երևանի Կոմիտասի անվան պետական կոնսերվատորիայի կոմպոզիցիայի բաժնում՝ Մարտուն Իսրայելյանի դասարանում` ավարտելով նաև մագիստրատուրան: Արժանացել է մի շարք մրցանակների` Ղ.Սարյանի անվան վոկալ ստեղծագործությունների մրցույթի 2-րդ մրցանակ (2008թ.), Հ.Տեր-Ղևոնդյանի անվան նվագակցողների մրցույթում նրա ստեղծագործությունն ընդգրկվել է «Պարտադիր ստեղծագործություն մասնակիցների համար» ծրագրում (2010թ.), «Երգող Հայաստան» մանկական խմբերգերի մրցույթի 2-րդ մրցանակ (2010թ.), «1900+» համահայկական դաշնամուրային ստեղծագործությունների մրցույթում նրա «Չորս թանկա» ստեղծագործությունն ընդգրկվել է 4 ընտրված ստեղծագործությունների շարքում (2011թ.), Ա.Խաչատրյանի անվան միջազգային մրցույթի հատուկ մրցանակ (2011թ.), Cro Patria միջազգային երգչախմբային փառատոնի դիպլոմ (2011թ.), «Ավե Մարիա» հայ-շվեյցարական մրցույթի հատուկ մրցանակ (2012թ.), Երիտասարդ կոմպոզիտորների կամերային երաժշտության հանրապետական մրցույթի 1-ին մրցանակ (2012թ.): Հեղինակ է «Ձմեռային խաղաղ տողեր» կանտատի, սիմֆոնիետտայի, յոթ սոնետ ըստ Շեքսպիրի տենորի և նվագախմբի համար, երկու լարային կվարտետի և բազմաթիվ այլ կամերային, խմբերգային և վոկալ ստեղծագործությունների, որոնք հնչել են ԱՄՆ-ում, Կանադայում, Ֆրանսիայում, Բելգիայում, Հոլանդիայում, Գերմանիայում, Իտալիայում, Խորվաթիայում, Ռուսաստանում, Իրանում և Հայաստանում: Նրա ստեղծագործությունները հրատարակվել են Հայաստանում, Իտալիայում, Հոլանդիայում, ԱՄՆ-ում` մասնավորապես «Ամալգամ փաբլիշինգ» հրատարակչությունում, որի մշտական անդամ է 2014թ-ից: Համագործակցել է այնպիսի անսամբլների և մենակատարների հետ, ինչպիսիք են` Կանադայի «Սիմֆոնիա Թորոնթո» նվագախումբը, Հոլանդիայի «New Trombone Collective» օկտետը, ԱՄՆ-ի «Թերոիր» դաշնամուրային տրիոն, երգեհոնահար Դրագան Թրայերը, ֆլեյտահար Նարեկ Ավագյանը, դաշնակահար Հայկ Մելիքյանը և ուրիշներ: 2013թ-ից Հայաստանի կոմպոզիտորների միության անդամ է:
ԺԻՐԱՅՐ ՇԱՀՐԻՄԱՆՅԱՆ
Կոմպոզիտոր
Ծնվել է 1988թ. փետրվարի 5-ին, Երևանում: 2004թ. ավարտել է Երևանի Պ.Յավորովի անվան թիվ 131 հանրակրթական դպրոցը: 1995-2002թթ սովորել է Ա.Գաբրիելյանի անվան թիվ 12 երաժշտական դպրոցի դաշնամուրային և ստեղծագործական բաժինններում: 2003-04թթ կոմպոզիցիայի և տեսության դասեր է վերցրել կոմպոզիտոր Մարտուն Իսրայելյանից: 2004-10թթ սովորել է Երևանի Կոմիտասի անվան պետական կոնսերվատորիայի կոմպոզիցիայի բաժնում՝ Մարտուն Իսրայելյանի դասարանում` ավարտելով նաև մագիստրատուրան: Արժանացել է մի շարք մրցանակների` Ղ.Սարյանի անվան վոկալ ստեղծագործությունների մրցույթի 2-րդ մրցանակ (2008թ.), Հ.Տեր-Ղևոնդյանի անվան նվագակցողների մրցույթում նրա ստեղծագործությունն ընդգրկվել է «Պարտադիր ստեղծագործություն մասնակիցների համար» ծրագրում (2010թ.), «Երգող Հայաստան» մանկական խմբերգերի մրցույթի 2-րդ մրցանակ (2010թ.), «1900+» համահայկական դաշնամուրային ստեղծագործությունների մրցույթում նրա «Չորս թանկա» ստեղծագործությունն ընդգրկվել է 4 ընտրված ստեղծագործությունների շարքում (2011թ.), Ա.Խաչատրյանի անվան միջազգային մրցույթի հատուկ մրցանակ (2011թ.), Cro Patria միջազգային երգչախմբային փառատոնի դիպլոմ (2011թ.), «Ավե Մարիա» հայ-շվեյցարական մրցույթի հատուկ մրցանակ (2012թ.), Երիտասարդ կոմպոզիտորների կամերային երաժշտության հանրապետական մրցույթի 1-ին մրցանակ (2012թ.): Հեղինակ է «Ձմեռային խաղաղ տողեր» կանտատի, սիմֆոնիետտայի, յոթ սոնետ ըստ Շեքսպիրի տենորի և նվագախմբի համար, երկու լարային կվարտետի և բազմաթիվ այլ կամերային, խմբերգային և վոկալ ստեղծագործությունների, որոնք հնչել են ԱՄՆ-ում, Կանադայում, Ֆրանսիայում, Բելգիայում, Հոլանդիայում, Գերմանիայում, Իտալիայում, Խորվաթիայում, Ռուսաստանում, Իրանում և Հայաստանում: Նրա ստեղծագործությունները հրատարակվել են Հայաստանում, Իտալիայում, Հոլանդիայում, ԱՄՆ-ում` մասնավորապես «Ամալգամ փաբլիշինգ» հրատարակչությունում, որի մշտական անդամ է 2014թ-ից: Համագործակցել է այնպիսի անսամբլների և մենակատարների հետ, ինչպիսիք են` Կանադայի «Սիմֆոնիա Թորոնթո» նվագախումբը, Հոլանդիայի «New Trombone Collective» օկտետը, ԱՄՆ-ի «Թերոիր» դաշնամուրային տրիոն, երգեհոնահար Դրագան Թրայերը, ֆլեյտահար Նարեկ Ավագյանը, դաշնակահար Հայկ Մելիքյանը և ուրիշներ: 2013թ-ից Հայաստանի կոմպոզիտորների միության անդամ է: