ՄԵՐԻ ՄՆՋՈՅԱՆ

Երգչուհի

Ծնվել է 1995թ. փետրվարի 7-ին, Գյումրիում: 2001-09թթ սովորել է տեղի թիվ 7 միջնակարգ դպրոցում: 1999-2008թթ հաճախել է Գյումրիի «Դեղձանիկ» մանկապատանեկան համույթ, որտեղ եղել է մենակատար: 2009-13թթ սովորել է Երևանի Մշակույթի պետական քոլեջի ջազ-վոկալ բաժնում: 2013թ-ից սովորում է Երևանի Կոմիտասի անվան պետական կոնսերվատորիայում: 2008թ-ից երգում է Գյումրիի Ռոբերտ Մլքեյանի ղեկավարած «Տիրամայր Հայաստան» երգչախմբում: 2007թ. մասնակցել է Բեռլինում կայացած «Жемчужина Берлина» միջազգային երգի մրցույթին, 2008թ.` «Մանկական Եվրատեսիլ» երգի միջազգային մրցույթի հայաստանյան նախընտրական փուլին, ապա եղել է նաև մրցույթում Հայաստանը ներկայացնող երգի խոսքերի հեղինակն ու բեք-վոկալը: 2009-10թթ Վրաստանում մասնակցել է երգի մրցույթների և գրավել առաջատար հորիզոնականներ: 2012թ. մասնակցել է Մոսկվայում կայացած «Նոր ալիք» երգի մրցույթին: 2013թ. դարձել է «Արմենիա» հեռուստաընկերության «Հայաստանի ձայնը» նախագծի հաղթող և մեկնել Յուրմալա, որտեղ ներկայացրել է Հայաստանը «Նոր ալիք» երգի միջազգային մրցույթում: