ՆԱՐԵԿ ՔԹՈՅԱՆ

Դերասան

Ծնվել է 1989թ. սեպտեմբերի 12-ին, Երևանում: 2006թ. ավարտել է Երևանի թիվ 116 միջնակարգ դպրոցը և ընդունվել Հայաստանի պետական տնտեսագիտական համալսրան, սակայն մեկ տարի անց փոխել է բուհը և 2007թ. ընդունվել Երևանի թատրոնի և կինոյի պետական ինստիտուտի դրամատիկական թատրոնի ռեժիսուրա ֆակուլտետ՝ Հրաչյա Գասպարյանի արվեստանոց: 2011թ. ավատել է բուհը՝ որպես դիպլոմային աշխատանք ներկայացնելով «Չստացված հանցագործություն» տռագիկոմեդիան մեկ գործողությամբ: 2008-13թթ աշխատել է «Երևան», «Կենտրոն», «Հայ TV», «Շանթ» հեռուստաընկերություններում՝ որպես հաղորդավար, ռեժիսոր, պրոդյուսեր և կրկնօրինակող: 2009-12թթ աշխատել է Երևանի «Սայաթ Նովա» համալիրում՝ որպես հաղորդավար: 2008թ-ից աշխատում է Երևանի Հ.Ղափլանյանի անվան պետական դրամատիկական թատրոնում՝ որպես դերասան: Խաղացած ներկայացումներից են՝ Վ.Շեքսպիրի «Ռոմեո և Ջուլիետ» (Կոմ Պարիս), «Հուլիոս Կեսար» (Քաղաքացի), «Մակբեթ» (Զինվոր), Պ.Զեյթունցյանի «Մեծ լռություն» (Վահրամ Փափազյան), «Փարիզյան դատավճիռ» (Ձագոյան) և այլն: 2011թ. հիմնադրել է «PPF» (Համագործակցություն հանուն ապագայի) հասարակական կազմակերպությունը, որի ղեկավարն է: 2009թ. Հունգարիայի Գյուլա քաղաքում մասնակցել է Վարզինհաս միջազգային շեքսպիրյան փառատոնին՝ որպես դերասան: 2011թ. Իսպանիայի Տառռեգա քաղաքում մասնակցել է «Ֆիռա Տառեգգա» միջազգային փառատոնին, իսկ 2012թ. Չեխիայի Կարլովի Վարի քաղաքում մասնակցել է Սոուկանի միջազգային երիտասարդական փառատոնին՝ որպես թատերական պրոդյուսեր: 2012թ. նկարահանվել է «Ռոմանտիկները» գեղարվեստական ֆիլմում և 2014թ. մասնակցել Գոթեբուրգի միջազգային կինոփառատոնին: 2013թ. Բուլղարիայի Սոֆիա քաղաքում վերապատրաստման ոչ ֆորմալ ուսուցման կուրս է անցել՝ որպես ինտերակտիվ թատրոնի մասնագետ և ֆայերշոուի մասնագետ: 2012թ-ից աշխատում է «Հավանա» ռեստորանային համալիրում՝ որպես շոու բաժնի ղեկավար և հաղորդավար: