Աբել Սիմոնյան

Պատմաբան

15 օգոստոս, 1922 - 3 հունիս, 1994

Ծնվել է Հայաստանի Խնձորեսկ գյուղում (այժմ՝ ՀՀ Սյունիքի մարզում): 1950թ. ավարտել է Երևանի պետական համալսարանի միջազգային հարաբերությունների ֆակուլտետը։ 1939-46թթ ծառայել է խորհրդային բանակում, մասնակցել Երկրորդ համաշխարհային պատերազմին։ 1944թ. արժանացել է պատերազմի «Կարմիր աստղ» և Ա.Նևսկու անվան շքանշանների: 1950-53թթ եղել է Երևանի պետական համալսարանի կուսկոմիտեի քարտուղար, 1961-64թթ՝ ԽՄԿԿ պատմության ամբիոնի վարիչը, 1965-74թթ՝ Հայկական հանրագիտարանի գլխավոր խմբագրի տեղակալը, 1974-79թթ՝ գլխավոր խմբագիրը, 1983թ-ից՝ ՀՀ ԳԱ պատմության ինստիտուտի Հայաստանի քաղաքների և գյուղերի պատմության բաժնի վարիչը։ Գիտական աշխատությունները վերաբերում են հայ ժողովրդի խորհրդային ժամանակաշրջանի պատմությանը։ 1969թ. ստացել է պատմական գիտությունների դոկտորի գիտական աստիճան (1972թ-ից՝ պրոֆեսոր)։ Մահացել է Երևանում: