Աշոտ Ադամյան

Գեղանկարիչ, քանդակագործ, ճարտարապետ, մեդալագործ

Ծնվել է 1951թ. սեպտեմբերի 10-ին, Երևանում: 1973թ. ավարտել է Երևանի պոլիտեխնիկական ինստիտուտը` ճարտարապետի որակավորմամբ: 1982թ-ից Հայաստանի նկարիչների, 1985թ-ից` ճարտարապետների միությունների անդամ է: Հեղինակել է Երևանի հյուսիսային մուտքի հուշարձանը 1973թ., ՀՀ Արարատի մարզի մուտքի հուշարձանը 1985թ., Այնթափի 1920թ. ինքնապաշտպանությանը նվիրված հուշարձանը (1983թ., Այնթափ, ՀՀ Արարատի մարզ), Վեհանձնության և գթասրտության մեդալը 1989թ., 1988թ. Սպիտակի ավերիչ երկրաշարժին նվիրված 3-ռուբլիանոց մետաղադրամը և մեդալների խումբը (1989-90թթ, արծաթ, ոսկի, պալադիում), ԼՂ «Մարտական խաչ» շքանշանը 1993թ., Արծաթե հուշադրամ 1994թ., Տիեզերագնացների Զվյոզդնի քաղաքի ձևավորումը (Մոսկվայի մարզ), Համալիր-ձևավորումներ Ժելեզնովոդսկում, Սոչիում, հանգստան գոտիների ձևավորումներ և այլն: 2009թ. տեղափոխվել է Մոսկվա: Մոսկվայի նկարիչների միության անդամ է: