Արամ Շամշյան

Ջութակահար

18 ապրիլ, 1925 - 17 հունվար, 2010

Ծնվել է Լենինականում (այժմ` Գյումրի): 1951թ. ավարտել է Մոսկվայի Պ.Չայկովսկու անվան պետական կոնսերվատորիան: 1951թ-ից դասավանդել է Երևանի Կոմիտասի անվան պետական կոնսերվատորիայում (1976թ-ից` պրոֆեսոր): 1966-96թթ եղել է դեկան, 1996թ-ից` պրոռեկտոր: Հանդես է եկել որպես մենակատար, եղել մի շարք հայ կոմպոզիտորների (Էդգար Հովհաննիսյան, Գագիկ Հովունց, Ստեփան Նաղդյան և այլք) որոշ երկերի առաջին կատարողը: Հեղինակել է մեթոդական ուսումնասիրություններ, ձեռնարկներ և առանձին երկերի խմբագրումներ: 1965թ. արժանացել է Հայաստանի վաստակավոր արտիստի, 1974թ.` Հայաստանի արվեստի վաստակավոր գործչի կոչման: Մահացել է Երևանում: