Արաքսի Օհանյան

Դերասանուհի, բեմադրիչ

5 հունիս, 1911 - 12 մարտ, 1981

Արաքսի Վարդյան
Ծնվել է Ադաբազարի Ալմալու գյուղում: 1923թ-ից բնակվել է Եգիպտոսում: 1927թ-ից նվիրվել է բեմին: Խաղացել է ավելի քան 300 դեր բազմաթիվ ներկայացումներում` Ա.Շիրվանզադեի «Չար ոգի» (Սոնա), «Նամուս» (Սուսան), Գ.Սունդուկյանի «Պեպո» (Շուշան), Հ.Թումանյանի «Գիքոր» (Նատո), «Անուշ» (Անուշ), Լ.Շանթի «Կայսր» (Թեոֆանո), Գ.Տեր-Գրիգորյանի «Գարնան անձրև» (Աննա), Լ.Տոլստոյի «Հարություն» (Կատերինա Մասլովա), Դոստոևսկու «Կարամազով եղբայրներ» (Գրուշենկա), Ա.Դյումա-որդու «Կամելիազարդ տիկինը» (Մարգարիտ Գոթիե) և այլն: Սիրանույշից հետո երկրորդ հայ դերասանուհին է, ով խաղացել է Համլետի դերը Վ.Շեքսպիրի «Համլետ» ներկայացման մեջ (1956թ.): Հեղինակել և բեմադրել է «Նշանվածներ», «Ա՞ն էր, թե աս է», «Սայաթ-Նովա», «Կյանքի հեգնանքը», «Գյուտին զոհը», «Մալվինե» և այլ պիեսներ: Մահացել է Կահիրեում: