Արթուր Գրիգորյան

Բալետի արտիստ

Ծնվել է 1986թ. նոյեմբերի 13-ին, Երևանում: 1995-2004թթ սովորել է Երևանի պարարվեստի պետական ուսումնարանում: Ստանալով բալետի արտիստի որակավորում` 2004թ. ընդունվել է աշխատանքի Երևանի Ա.Սպենդիարյանի անվան օպերայի և բալետի ազգային ակադեմիական թատրոն` որպես բալետի դերասան: Ընդգրկված է եղել թատրոնի ողջ բալետային ներկայացումներում՝ Ժ.Բիզեի, Ռ.Շչեդրինի «Կարմեն», «Լորկիանա», Ա.Ադանի «Ժիզել», Ա.Խաչատրյանի «Սպարտակ», «Գայանե», Լ.Մինկուսի «Դոն Կիխոտ» և այլն: Հյուրախաղերով եղել է մի շարք երկրներում՝ Սիրիա, Քաթար, Արաբական Միացյալ Էմիրություններ, Ֆինլանդիա, Ռուսաստան, Թուրքիա, Բահրեյն, Եգիպտոս և այլուր: 2014թ-ից Դուբայի մշակույթի նախարարության հրավերով համագործակցել է «Ornina Arts Events» պարային խմբի հետ: Հանդես է եկել նաև որպես ֆոտոմոդել, մասնակցել մի շարք ցուցադրությունների, նկարահանվել բազմաթիվ ամսագրերում: Համագործակցել է Ժնևի «Զուիկի», Կահիրեի «Նուրիա Հաութ Կուտյուր», Դուբայի «Մաքս» հագուստի սրահների հետ: