Արտաշես Մխիթարյան

Դերասան

Ծնվել է 1981թ. հունվարի 12-ին, Երևանում: Սովորել է Երևանի Ե.Չարենցի անվան թիվ 67 միջնակարգ դպրոցում: 1997թ. ընդունվել է Երևանի թատրոնի և կինոյի պետական ինստիտուտ: 2005թ-ից աշխատում է Երևանի Հ.Ղափլանյանի անվան պետական դրամատիկական թատրոնում` որպես դերասան: Խաղացել է «Ռոմեո և Ջուլիետ», «Հուլիոս Կեսար», «Սիրային խառնաշփոթ» և այլ ներկայացումներում: Վերջինիս համար 2010թ. արժանացել է ՀԹԳՄ «Արտավազդ» ամենամյա թատերական մրցանակի` որպես «Լավագույն երիտասարդ դերասան»: Խաղացել է նաև բազմաթիվ մանկական ներկայացումներում: Հյուրախաղերով հանդես է եկել Լեհաստանում և Հունգարիայում: 2007թ. նկարահանվել է «Մեծ պատմություն փոքր քաղաքում», 2010թ.` «Պահանջվում է միլիոնատեր» ֆիլմերում: Նկարահանվել է նաև հեռուստասերիալներում: