Արտավազդ Հովակիմյան

Բանաստեղծ, արձակագիր

23 օգոստոս, 1938 - 28 հուլիս, 1995

Ծնվել է Հայաստանի Թովուզ (այժմ՝ ՀՀ Տավուշի մարզի Տավուշ) գյուղում: 1963թ. ավարտել է Երևանի Խ.Աբովյանի անվան հայկական պետական մանկավարժական ինստիտուտի լեզվագրական ֆակուլտետը։ Աշխատել է որպես մշակույթի տան վարիչ, սրբագրիչ, Երևանի էլեկտրալամպերի գործարանի «Իլյիչի լամպեր» թերթի գրական աշխատող, հեռուստատեսության ստուդիայում խմբագիր, ՀԼԿԵՄ Կենտկոմում հրահանգիչ: Եղել է Երևանի Խ.Աբովյանի անվան հայկական մանկավարժական ինստիտուտի «Մանկավարժ» թերթի խմբագիրը, 1969թ-ից՝ նույն ինստիտուտի հոգեբանության գիտահետազոտական լաբորատորիայի գիտաշխատողներից, 1966թ-ից՝ Հայաստանի գրողների միության անդամ։ Հրատարակվել են նրա «Շավիղ» (բանաստեղծությունների ժողովածու, 1959թ.), «Կրակոց» (1963թ.), «Խաղաղ կիսակայարանում» (պատմվածքներ, 1967թ.), «Իլյիչի արմավենին» (1970թ.), «Հեքիաթների բացատը» (1973թ.), «Շրջադարձ» (վեպ, 1976թ.) գրքերը: Մահացել է Երևանում: