Գարեգին Ռշտունի

Դերասան

3 ապրիլ, 1840 - 11 հոկտեմբեր, 1879

Ծնվել է Բուխարեստում: Վաղ հասակում ծնողների հետ տեղափոխվել է Կ.Պոլիս: Բեմական գործունեությունն սկսել է 1865թ.: 1868թ. ընդգրկվել է Հակոբ Վարդովյանի թատերախումբ, ուր գործել է շուրջ մեկ տասնամյակ: Խորապես տիրապետել է բեմարվեստի առանձնահատկություններին, ժամանակին համեմատվել Կոկլեն եղբայրների հետ: Մեծ համբավ է ձեռք բերել հատկապես` խաղալով Մոլիերի պիեսներում` «Պարոն դը Փուրսոնյակ» (Փուրսոնյակ), «Ժորժ Դանդեն» (Ժորժ Դանդեն), «Երևակայական հիվանդը» (Արզան), «Ագահը» (Հարպագոն) և այլն: Հեղինակել է մի շարք կատակերգեր, հանդես եկել դրանց կատարմամբ: Զբաղվել է նաև թատերագրությամբ, հիշարժան են «Աղջկան մը օժիտը», «Թղթե վզնոցով սիրահարը» պիեսները: Վերջինում Չեզարի դերը մեծ վարպետությամբ է կատարել: Գրել է նաև Տ.Չուխաճյանի «Քյոսե Քեհյա» օպերետի լիբրետոն: Մահացել է Սալոնիկում: