Գարրի Աբաջյան

Ֆագոտահար

19 նոյեմբեր, 1939 - 28 փետրվար, 2024

Ծնվել է Ուկրաինայի Զապորոժիե քաղաքում։ 1968թ․ ավարտել է Խարկովի գեղարվեստի ինստիտուտը։ Որպես մենակատար 1969-75թթ աշխատել է Խարկովի Նիկոլայ Լիսենկոյի անվան օպերայի և բալետի պետական ակադեմիական թատրոնի նվագախմբում։ Միաժամանակ 1979թ-ից եղել է Խարկովի արվեստի ինստիտուտի (այժմ՝ համալսարան) ֆագոտի ուսուցիչ, 1983-2017թթ՝ նվագախմբային, փողային և հարվածային գործիքների ամբիոնի վարիչը, 2005-21թթ՝ ակադեմիական գործերի գծով պրոռեկտորը։ Եղել է նաև Խարկովի մասնագիտացված երաժշտական գիշերօթիկի ուսուցիչ (այժմ՝ Խարկովի պետական երաժշտական լիցեյ), 1993թ-ից՝ Սլոբոժանսկու երիտասարդական սիմֆոնիկ նվագախմբի հիմնադիրն ու գեղարվեստական ղեկավարը։ 2006թ․ դարձել է Խարկովի «Ժողովրդական ճանաչման» մրցանակի դափնեկիր «Երաժշտություն» անվանակարգում։ Պատրաստել է մոտ 100 կատարող, այդ թվում՝ հանրապետական և միջազգային մրցույթների 23 դափնեկիր։ Հրատարակվել են նրա «Փողային գործիքների ուսուցման նոր մեթոդներ» (1981թ․), «Նոր վիբրատոյի վրա ֆագոտի վրա» (1984թ․) աշխատությունները։ 1993թ․ արժանացել է Ուկրաինայի վաստակավոր արտիստի, 2010թ․՝ Ուկրաինայի ժողովրդական արտիստի կոչման։ Մահացել է Խարկովում։