Գեորգի Թումանով

Թատերագետ, լրագրող

2 նոյեմբեր, 1854 - 5 մարտ, 1920

Ծնվել է Թիֆլիսում: Եղել է Թումանովների իշխանական տոհմից, հրապարակախոս Միքայել Թումանովի եղբայրը: Սովորել է Թիֆլիսի 1-ին գիմնազիայում: 1875թ. ավարտել է Օդեսայի համալսարանը, որտեղ ուսանել է իրավաբանություն: Գրական գործունեությունն սկսել է Թիֆլիս «Դրոեբա» պարբերականում: Կովկասում աշխատակցել է նաև հայկական և ռուսական մամուլին: 1891-1904թթ եղբայրների հետ հրատարակել է «Նովոյե օբոզրենիե» (ռուսերեն) օրաթերթը: Եղել է Թիֆլիսի հասարակական ակումբի հիմնադիրներից, 1907թ.՝ ռուսաստանյան 2-րդ, 1912թ.՝ ռուսաստանյան 4-րդ Պետական դումայի պատվիրակ: Հրատարակել է «Վրացական թատրոնի պատմությունը» (2 հատոր, 1878-79թթ), «Հողային հարցեր և հանցագործություն Կովկասում» (1901թ.) և այլ աշխատություններ: Եղել է նաև Վրացական դրամատիկական ընկերության պատվավոր անդամ: Հեղինակել է երդվյալ ատենակալների դատարանների, զեմստվոների մասին գրքույկներ: Մահացել է Թիֆլիսում, թաղված է Խոջիվանքի հայկական պանթեոնում: