Գուրգեն Դավթյան

Դերասան

Ծնվել է 1995թ․ ապրիլի 2-ին, ՀՀ Հրազդան քաղաքում։ Միջնակարգ կրթությունն ստացել է Հրազդանի թիվ 8 դպրոցում, այնուհետև շարունակել թիվ 13 ավագ դպրոցում։ Դպրոցն ավարտելուց հետո ընդունվել է Երևանի թատրոնի և կինոյի պետական ինստիտուտի նախապատրաստական բաժին։ Ուսումը կիսատ թողնելով՝ մեկնել է ծառայության ԼՂՀ ՊԲ-ում։ 2016թ․ ընդունվել է Երևանի Գ․Սունդուկյանի անվան ազգային ակադեմիական թատրոնին կից Վ.Աճեմյանի անվան թատերական ստուդիա, զուգահեռ վեց տարի աշխատել է նաև թատրոնում: 2020թ․ կրկին ընդունվել է ԵԹԿՊԻ դերասանական արվեստ բաժին: 2022-23թթ որպես դերասան աշխատել է Հրազդանի դրամատիկական թատրոնում։ Մասնակցել է բազմաթիվ հյուրախաղերի։ Թատրոնում խաղացած դերերից են՝ Ժ.Հարությունյանի «Հարսնացուն հյուսիսից» (Վասյա), Վ.Շեքսպիրի «Ռիչարդ Երրորդ» (Յորքի դուքս), Մ.Վիշնիեկի «Ռիչարդ Երրորդ տեղի չի ունենա» (Ռիչմոնդ), Կ.Խոդիկյանի «Տունը սահմանի վրա» (Գոռ), Ս.Խալաթյանի «Թվացյալ երկրի բնիկները» (Քահանա): Նկարահանվել է «Սրտին հակառակ», «30 արծաթ», «Ծաղիկներ ձյան տակ» ֆիլմերում: