Երվանդ Բիչախչյան

Գեղանկարիչ

Ծնվել է 1947թ. սեպտեմբերի 28-ին, ՀՀ Արթիկ քաղաքում: 1968-73թթ սովորել է Երևանի Փ.Թերլեմեզյանի անվան գեղարվեստի ուսումնարանում: 1981թ. ավարտել է Երևանի գեղարվեստաթատերական ինստիտուտի գեղանկարչության բաժինը: Մասնակցել է միջազգային և հանրապետական բազմաթիվ ցուցահանդեսների: 1988թ-ից Հայաստանի նկարիչների միության անդամ է: Իր ստեղծագործությունները բնորոշվում են գույներով: Նրա կոմպոզիցիոն աշխատանքները հակում են դեպի խորհրդապաշտությանը: Ստեղծագործել է նաև գրաֆիկայի ժանրում: Գործերը ցուցադրվել են ԱՄԷ-ում, Լեհաստանում, Սիրիայում, Ռուսաստանում և այլուր: