Էդվարդ Համբարձումյան

Դերասան

10 հոկտեմբեր, 1909 - 1 մայիս, 1978

Ծնվել է Դաշբուլուն գյուղում: 1917թ. գաղթել է Կրասնոդար, հետագայում` Երևան: 1936թ. ավարտել է «Հայֆիլմ» կինոստուդիայի դերասանական ստուդիան, 1938թ.` թատերական ստուդիան: Երկու տարի աշխատել է Երևանի Պատանի հանդիսատեսի թատրոնում, ապա մեկնել Մոսկվա և ուսումը շարունակել հայ Մշակույթի տանը կից ստուդիայում: 1941թ. ավարտել է ուսումը և վերադարձել Երևան: Խաղացել է Երևանի Պատանի հանդիսատեսի, Հ.Պարոնյանի անվան երաժշտական կոմեդիայի, Գ.Սունդուկյանի անվան ազգային ակադեմիական և դրամատիկական թատրոններում: Խաղացած ներկայացումներից են` Ռ.Նելսոնի «Թագավորը զվարճանում է» (Թագավոր), Հ.Պարոնյանի «Ատամնաբույժն արևելյան» (Թափառնիկոս), «Սիլվա» (Էդվին), Տ.Չուխաճյանի «Կարինե» (Մարգար), Ա.Այվազյանի «Աշուղ Մուրադ» (Մուրադ), «Փոթորկոտ քամի» (Յանկո), Շտրաուսի «Գնչուական բարոն» (Բարոն), «Կրկեսի արքայադուստրը կամ Միստր Իքս» (Էտյեն) և այլն: Արժանացել է բազմաթիվ պետական մրցանակների և մեդալների: Կյանքի վերջին տարիներին դասավանդել է և եղել է Երևանի Պատանի հանդիսատեսի պետական թատրոնի տնօրենը: 1950թ. արժանացել է Հայաստանի ժողովրդական արտիստի կոչման: Մահացել է Երևանում: