Էմմա Ծատուրյան

Դիրիժոր

28 հոկտեմբեր, 1920 - 23 դեկտեմբեր, 1996

Ծնվել է Բաքվում: 1951թ. ավարտել է Երևանի Կոմիտասի անվան պետական կոնսերվատորիան: 1949-59թթ եղել է Հայաստանի պետական երգչախմբի դիրիժոր-խմբավարը: 1958-82թթ դասավանդել է Երևանի Խ.Աբովյանի անվան պետական մանկավարժական ինստիտուտում (1982թ-ից`պրոֆեսոր): Եղել է Հայաստանի Երգչախմբի ընկերության հիմնադիրներից, 1968թ-ից՝ Ա.Տեր-Հովհաննիսյանի անվան երգչախմբի գեղարվեստական ղեկավարը, 1975-87թթ` նախագահը, 1987թ-ից` Հայաստանի Երաժշտական ընկերության նախագահը: 1977-87թթ և 1990-91թթ եղել է Հայկական ժողովրդական երգի-պարի համույթի գեղարվեստական ղեկավարը: 1985թ. պարգևատրվել է ՀՀ Պետական մրցանակով, 1994թ.` Հոգևոր երաժշտության միջազգային փառատոնի 1-ին մրցանակով: 1967թ. արժանացել է Հայաստանի արվեստի վաստակավոր գործչի, 1982թ.` Հայաստանի ժողովրդական արտիստի կոչման: Մահացել է Կիևում, թաղված է Երևանում: