Էրիկ Հարությունյան

Կոմպոզիտոր

9 սեպտեմբեր, 1933 - 14 դեկտեմբեր, 2009

Ծնվել է Թբիլիսիում: 1957թ. ավարտել է Թբիլիսիի կոնսերվատորիայի ստեղծագործական բաժինը` Սարգիս Բարխուդարյանի և Անդրեյ Բալանչիվաձեի դասարանները: 1968թ-ից դասավանդել է Երևանի Կոմիտասի անվան պետական կոնսերվատորիայում: Գրել է «Հեքիաթ մեծերի համար» օպերան` ըստ Հ.Թումանյանի «Մի կաթիլ մեղրը» բալլադի, որը բեմադրվել է 1970թ. և Մոսկվայի Համամիութենական մրցույթում արժանացել 1-ին կարգի դիպլոմի: Գրել է նաև հինգ սիմֆոնիա, կոնցերտ-պոեմ ջութակի և նվագախմբի համար, դաշնամուրի և նվագախմբի, փողի և նվագախմբի, գալարափողի և նվագախմբի, ջութակի և նվագախմբի կոնցերտներ, «Հայրենիք» օրատորիան, գործիքային, խմբերգային երկեր, ռոմանսներ և այլն: Մահացել է Երևանում: