Իռեն Աբելյան

Դերասանուհի

Ծնվել է 1984թ. նոյեմբերի 21-ին, Երևանում: Սովորել է Երևանի թիվ 155 միջնակարգ դպրոցում: 2001-06թթ սովորել է Երևանի թատրոնի և կինոյի պետական ինստիտուտի երաժշտական թատրոնի դերասանի բաժնում` Արմեն Մելիքսեթյանի արվեստանոցում: 2003-07թթ աշխատել է Երևանի պետական Կամերային երաժշտական թատրոնում` որպես դերասանուհի, որտեղ խաղացել է «Կատուներ» (Կատու), «Կվազիմոդո և Էսմերալդա» (Թափառաշրջիկ), «Լիլիթ» (Մետամորֆոզ), «Բրոդվեյ, բրոդվեյ» (Վելմա, Ռոզալդա) մյուզիքլներում: 2007թ-ից աշխատում է Երևանի Հ.Պարոնյանի անվան երաժշտական կոմեդիայի պետական թատրոնում: Խաղացել է մի շարք ներկայացումներում` Վ.Բալյանի «Սիրո անհուն առեղծված» (Ճակատագիր), Գ.Խանջյանի «Էսպես մինչև երբ» (Նունե), Մոլիերի «Չամուսնանաք, պարոնայք, եթե կարող եք» (Դորիմեն), Վ.Շեքսպիրի «Տասներկուերրորդ գիշեր» (Օլիվիա), Բ.Բրեխտի «Ինչ այն զինվորը, ինչ այս» (Գելի Գեյի կին), Խ.Դաշտենցի «Ֆայտոն Ալեքը» (Միտինգավոր), Հ.Պարոնյանի «Ատամնաբույժն արևելյան» (Երանյակ), Տ.Հովհաննիսյանի «Վերջին կանգառ» (Սոնա), Բ.Նուշիչի «Տիկին մինիստրուհին» (Դարա), Տ.Չուխաճյանի «Կարինե» (Շուշան) և այլն: Նկարահանվել է «Եղբայրներ» (2011թ.), «Հարազատ թշնամի» (2013թ.) հեռուստասերիալներում, մանրապատումներում և կարճամետրաժ ֆիլմերում: