Կարեն Պետրոսյան

Գեղանկարիչ, աբստրակցիոնիստ

Ծնվել է 1952թ. նոյեմբերի 11-ին, ՀՀ Քաջարան քաղաքում: 1971թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1977թ.՝ Լենինգրադի (այժմ՝ Սանկտ Պետերբուրգ) գեղարվեստի պետական ակադեմիան: 1989թ-ից մասնակցել է մի շարք միջազգային ցուցահանդեսների Կանադայում, Ճապոնիայում, Լեհաստանում, Հայաստանում, ԱՄՆ-ում, Նորվեգիայում և այլուր: Անհատական ցուցահանդեսներ է ունեցել Մոնրեալում (1989թ., 1990թ., 1992թ., 1995թ., 1997թ., 2001-04թթ, 2008թ., 2015-16թթ), Դետրոյթում (1995թ., 2006թ.), Տորոնտոյում (1989թ., 1997թ.), Բոստոնում (1999թ.), Գլենդելում (2005թ.), Երևանում (2010թ., 2015թ.): Աշխատանքները գտնվում են Տորոնտոյի հայկական մշակութային կենտրոնում, Երևանի ժամանակակից արվեստի թանգարանում, Հայաստանի ազգային պատկերասրահում, Կանադայի, Ճապոնիայի մի շարք թանգարաններում, ԱՄՆ-ի, Եվրոպայի և Կանադայի մասնավոր հավաքածուներում: 1987թ-ից ապրում և ստեղծագործում է Կանադայի Մոնրեալ քաղաքում: