Zark Foundation

Կորյուն Սիմոնյան

Կորյուն Սիմոնյան

Գեղանկարիչ

29 մարտ, 1912 - 8 մայիս, 1943

Ծնվել է Արդահան քաղաքում: 1930թ. ավարտել է Երևանի գեղարվեստաարդյունաբերական տեխնիկումը (այժմ` Փ.Թերլեմեզյանի անվան գեղարվեստի ուսումնարան), որտեղ 1938-40թթ դասավանդել է նկարչություն: 1937թ. ավարտել է Լենինգրադի գեղարվեստի ակադեմիան: Ստեղծել է բնանկարներ, դիմանկարներ, թեմատիկ կոմպոզիցիաներ` «Ինքնանկար», «Արածող ոչխարներ», «Արարատ», «Պարտիզաններ» (երեքն էլ` 1940թ.), «Հանդիպում» (1942թ., բոլորը` ՀԱՊ): Եղել է առաջիններից սովետահայ գեղանկարչության մեջ, որ դիմել է պատմական թեմատիկային («Յուսուֆի սպանությունը», 1938-40թթ): Նկարչի արվեստին բնորոշ է կյանքի խոր արտացոլումը, հյութեղ, զուսպ գունահարաբերումները, ռեալիզմը: 1932թ-ից մասնակցել է հանրապետական ցուցահանդեսների: Զոհվել է Հայրենական Մեծ պատերազմում։