Հասմիկ Գասպարյան

Գեղանկարչուհի

Ծնվել է 1963թ. հունվարի 13-ին, Երևանում: 1981թ. ավարտել է Երևանի Պ.Չայկովսկու անվան երաժշտական դպրոցը, 1990թ.՝ Ռիգայի պետական կոնսերվատորիան, 2001թ.՝ Մոսկվայի գեղարվեստի համալսարանի կերպարվեստի և նկարչության բաժինը: 2004թ-ից Հայաստանի նկարիչների միության անդամ է, 2006թ-ից՝ Ռուսաստանի գեղարվեստի ակադեմիայի անդամ: 1994թ. հիմնադրել է Երեխաների և երիտասարդների Մոսկվայի պետական արվեստի կենտրոնը: 1994թ-ից մասնակցել է հանրապետական և միջազգային տարբեր ցուցահանդեսների Հայաստանում, Ռուսաստանում, Արգենտինայում, Մեծ Բրիտանիայում, Գերմանիայում, Ավստրիայում, Ֆրանսիայում և այլուր: 2006-09թթ եղել է Մոսկվայի Արմեն Ջիգարխանյանի դրամատիկական թատրոնի գլխավոր դիզայները: 2010-13թթ ապրել է Երևանում և համագործակցել Մոսկվայի գեղարվեստի ակադեմիայի հետ: 2012թ-ից Հայաստանի Հանրային խորհրդի անդամ է (մշակութային հարցերով):