Հասմիկ Ղարիբյան

Դերասանուհի

13 հունիս, 1980 - 1 նոյեմբեր, 2014

Ծնվել է Երևանում: Եղել է դերասան Իշխան Ղարիբյանի դուստրը: 1997թ. ավարտել է Երևանի Յավորովի անվան միջնակարգ դպրոցը և Սայաթ-Նովայի անվան երաժշտական դպրոցի դաշնամուրային բաժինը: Դպրոցական տարիներին սովորել է Երևանի Պարարվեստի ուսումնարանի ժողովրդական պարերի բաժնում: 2000թ. ավարտել է Երևանի Ա.Բակունցի անվան պետական ջազային քոլեջի վոկալի բաժինը: 2002-09թթ նկարահանվել է «Արմենիա» հեռուստաընկերությամբ հեռարձակվող «Կարգին հաղորդում» նախագծում: Մասնակցել է բազմաթիվ համերգային, հեռուստատեսային նախագծերի («2 աստղ», 2009թ.): Խաղացել է «7.5» (2011թ.), «No comment» (2013թ.) ներկայացումներում, «Ալա Բալա Նիցա» (2011թ.) և այլ ֆիլմերում: «FM 107» ռադիոկայանով վարել է «1 ժամ Կարգին Հասոյի հետ» հաղորդումը: 2012թ-ից բնակվել է ԱՄՆ-ում, որտեղ էլ մահացել է քաղցկեղից, թաղված է Երևանում: