Ծնվել է Իրանի Վողան գյուղում: Սովորել է Էջմիածնի Գևորգյան և Մոսկվայի Լազարյան ճեմարաններում: Դասախոսություններ է լսել Պետերբուրգի համալսարանի իրավաբանական ֆակուլտետում: Տիրապետել է ութ լեզվի: Ուսանողական տարիներին ուսումնասիրել է Մարքսի, Էնգելսի և Լենինի աշխատությունները: 1905թ. վերադարձել է Իրան, որտեղ ակտիվորեն տարածել է մարքս-լենինյան գաղափարները: Հրապարակախոսական հոդվածներով հանդես է եկել հայ բոլշևիկյան մամուլում: 1914թ. տեղափոխվել է Բաքու: 1918թ. խմբագրել է Բաքվի կոմունայի «Տեղեկատու»-ն: 1918թ. հուլիսից աշխատել է Իրանում՝ սովետական դեսպանատանը, որպես խորհրդական և առաջին քարտուղար: 1918թ. աշնանը դեսպանատան վրա կատարված հարձակման ժամանակ ձերբակալվել է և ավելի քան 2 տարի մնացել գերության մեջ: 1921թ., սովետական կառավարության միջամտությամբ, վերադարձել է Մոսկվա, որտեղ նրան ընդունել է Վ.Լենինը: 1921-23թթ աշխատել է Մոսկվայում և Ուկրաինայում: 1923-31թթ եղել է Լենինականի զավգործկոմի ժողկրթբաժվարը: Մահացել է Լենինականում (այժմ՝ Գյումրի):