Մարինա Մոսեսովա

Պարուհի, պարուսույց

Ծնվել է 1976թ. նոյեմբերի 3-ին, Երևանում: Սովորել է Երևանի Ա.Չեխովի անվան թիվ 55 միջնակարգ դպրոցում: 1991-95թթ ուսումը շարունակել է Երևանի Ռ.Մելիքյանի անվան երաժշտական ուսումնարանի երաժշտագիտական բաժնում, այնուհետև` Երևանի Կոմիտասի անվան պետական կոնսերվատորիայում` որպես երաժշտագետ-պատմաբան: Ծանոթությունը «Ստեպ» պարաոճին տեղի է ունեցել Երևանի Հ.Մալյանի անվան կինոդերասանի թատրոնին կից «HI Step» պարային ստուդիայում` Լևոն Ղազարյանի ղեկավարությամբ: 2000թ-ից աշխատում է Երևանի պետական երաժշտական կամերային թատրոնում` որպես բեմադրիչ և դերասանուհի: 2003թ. հիմնել է «Step & Heel» պարային խումբը: 2007-11թթ աշխատել է ՀՀ ոստիկանուտյան մշակույթի կենտրոնում` որպես «Ստեպ» խմբի գեղարվեստական ղեկավար և բեմադրիչ: Դասավանդում է «M-Dance Studio by Grigori», «Կաստանետ Ստուդիո» և այլ պարային խմբերում: Արժանացել է մի շարք պատվոգրերի: 2012թ. Հայաստանում 1-ին տեղը զբաղեցրած «Волк и семеро козлят» պատանեկան երաժշտական մյուզիքլի պարային բեմադրիչն է: