Նառա Վարդանյան

Երգչուհի

Ծնվել է 1967թ. ապրիլի 8-ին Երևանում: Ավարտել է Երևանի Շևչենկոյի անվան թիվ 42 միջնակարգ դպրոցը և ձայնի պահպանման թիվ 17 հատուկ դպրոցը: 1984-86թթ սովորել է Երևանի Կոմիտասի անվան պետական կոնսերվատորիայի օպերային բաժնում, 1986-89թթ` Երևանի էստրադային և ջազային արվեստի պետական քոլեջի վոկալ բաժնում: 1989-92թթ աշխատել է Կոնստանտին Օրբելյանի ղեկավարած Հայաստանի պետական էստրադային նվագախմբում` որպես մեներգչուհի: 1989թ-ից հյուրախաղերով եղել է բազմաթիվ երկրներում: 1993-98թթ դադարեցրել է երաժշտական գործունեությունը և բնակվել է Լիբանանի մայրաքաղաք Բեյրութում: 1998թ. վերադարձել է Երևան և շարունակել երգել` արդեն որպես անհատ երգչուհի: Համերգներով հանդես է եկել Հայաստանում և արտասահմանյան բազմաթիվ երկրներում: Հայտնի երգերից են՝ «Միայն դու», «Չկա գարուն առանց սիրո», «Արևելքից Արևմուտք», «Մնա, մնա» և այլն: Թողարկել է «Միայն դու» (2007թ.) ձայնասկավառակը: Նկարահանել է շուրջ 15 տեսահոլովակ: 2014թ. արժանացել է Հայաստանի վաստակավոր արտիստի կոչման: