Նելլի Սահակյան

Բանաստեղծ, արձակագիր

Ծնվել է 1937թ. հունիսի 12-ին, ՌԴ Կրասնոդարի երկրամասի Արմավիր քաղաքում: Ավարտել է Երևանի պետական համալսարանի բանասիրական ֆակուլտետի ռուսական բաժինը: Հեղինակել է բազմաթիվ բանաստեղծություններ, էսսեներ, պատմվածքներ, որոնք տպագրվել են հայկական և արտասահմանյան թերթերում ու ամսագրերում: 1985թ-ից Հայաստանի գրողների միության անդամ է: 1994-2012թթ եղել է ռուսալեզու «Էլիտարնայա գազետա» թերթի գլխավոր խմբագիրը: Հրատարակվել են նրա «Հանդարտ բանաստեղծություններ» (1982թ.), «Հայկական լեռնաշխարհ» (1990թ.), «Հայերը» (1997թ.), «Իմ պատկերասրահը» (1997թ.), «Աշխարհի լեռ» (2004թ.), «Աստղ երկնային» (2004թ.), «Անտրոպոէտյուդներ» (ռուսերեն, 2007թ.), «Իմ պատկերասրահը» (2010թ.), «Ճանապարհորդություն Հայաստանով» (2011թ.), «Ոգու բոցավառում» (ինքնակենսագրական վիպակ, 2013թ.) և այլ գրքեր: 1994թ. արժանացել է Հայաստանի ժուռնալիստների միության «Ոսկե գրիչ» մրցանակի, 2010թ.՝ «ԱՊՀ-ի լավագույն գրող» (ռուսերեն) Յուրի Դոլգորուկիի անվան մրցանակի, 2012թ.՝ ՀԳՄ «Գրական վաստակի համար» մեդալի։