Ծնվել է Երևանում: 1965թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1970թ.` Երևանի գեղարվեստաթատերական ինստիտուտը: 1995-2008թթ դասավանդել է Երևանի գեղարվեստի պետական ակադեմիայում (դոցենտ): Եղել է Հայաստանի նկարիչների միության քանդակի սեկցիայի նախագահը, ԽՍՀՄ նկարիչների միության վարչության անդամ, Հայաստանի նկարիչների միության վարչության անդամ, Հայաստանի Կանարների միության անդամ: 1965թ-ից մասնակցել է հանրապետական և միջազգային մրցույթների, արժանացել բազմաթիվ դիպլոմների: Մոնումենտալ ստեղծագործություններից են` Հովհաննես Բաղրամյանի (2003թ., բրոնզ, գրանիտ, Երևան), Վահան Տերյանի (2000թ., բազալտ, Երևան), Տիգրան Պետրոսյանի (2006թ., բրոնզ, գրանիտ, բազալտ, Երևան), Գոհար Գասպարյանի (2008թ., մարմար, Երևանի Կոմիտասի անվան պանթեոն) հուշարձանները, «Անտառային հեքիաթ» 1994թ., տուֆ, Երևանի մանկական երկաթուղի, «Մայրություն» 2002թ., մարմար, Երևանի Սայաթ-Նովայի փողոց և այլն: Աշխատանքները գտնվում են Երևանի Ժամանակակից արվեստի թանգարանում, Մոսկվայի Տրետյակովյան պատկերասրահում, Հայաստանի ազգային պատկերասրահում: 2009թ. արժանացել է Հայաստանի արվեստի վաստակավոր գործչի կոչման: Մահացել է Երևանում: