Շառլ Ադամյան

Գեղանկարիչ

18 սեպտեմբեր, 1872 - 30 հուլիս, 1947

Կարապետ Ադամյան
Ծնվել է Կոստանդնուպոլսում: 1887-93թթ սովորել է Վենետիկի Մուրատ-Ռափայելյան վարժարանում, միաժամանակ հետևել նկարչության մասնավոր դասընթացների: Ստեղծագործել է Կ.Պոլսում, 1897թ-ից` Փարիզում: 1927թ-ից եղել է Փարիզի գեղարվեստի ազգային ընկերության անդամ: Ֆրանսիական թատրոններում ձևավորել է ներկայացումներ, հրապարակել հայ ժողովրդի ազատագրական պայքարին նվիրված գրաֆիկական գործեր, պատկերազարդել ֆրանսիացի հեղինակների երկեր (շուրջ 150 գիրք): Ստեղծել է ծովային տեսարաններ` «Ծովափին» (1910թ.), պլակատներ` «Ոտքի ելեք, մեռյալներ», «Ողջունեցեք, ահա Վերդենը» և այլն: Եղել է ինտենսիվ գույնի, հատկապես լույսի ճանաչված վարպետ: Կրել է իմպրեսիոնիզմի ազդեցությունը: Անհատական ցուցահանդեսներ է ունեցել Կ.Պոլսում, Փարիզում, Բրյուսելում, Ստրասբուրգում: Գործերից պահվում են Փարիզի Լյուքսեմբուրգյան և այլ թանգարաններում, ՀԱՊ-ում: Մահացել է Փարիզում: