Շմավոն Հարությունյան

Պատմաբան

20 հունիս, 1913 - 29 սեպտեմբեր, 1993

Ծնվել է Արևելյան Հայաստանի Իգդիր քաղաքում (այժմ՝ Թուրքիայում): 1936թ. ավարտել է Երևանի հեռակա մանկավարժական ինստիտուտի պատմության ֆակուլտետը: 1948-69թթ եղել է նույն ինստիտուտի պատմության ֆակուլտետի դեկան և ամբիոնի վարիչը, 1969թ-ից՝ Երևանի Խ.Աբովյանի անվան մանկավարժական ինստիտուտի հայ ժողովրդի պատմության ամբիոնի պրոֆեսոր, 1976-93թթ՝ ամբիոնի վարիչը: Հիմնականում զբաղվել է պատմագիտության հարցերով («Հայ ժողովրդի պատմության համառոտ ժամանակագրություն 1801-1917», 1955թ., «Սովետական Հայաստանը 40 տարում: Տարեգրություն», 1960թ., «Պատմագիտության զարգացումը Սովետական Հայաստանում 1920-1965», 1967թ.): 1979թ. Վ.Պարսամյանի հետ հրատարակել է «Հայ ժողովրդի պատմություն (1801-1978թթ)» բուհական դասագիրքը և այլն: 1965թ. ստացել է պատմական գիտությունների դոկտորի գիտական աստիճան (1965թ-ից՝ պրոֆեսոր): Մահացել է Երևանում: