Սամվել Երվինյան

Ջութակահար

Ծնվել է 1966թ. հունվարի 25-ին, Երևանում: 1971-80թթ սովորել է Երևանի Ա.Սպենդիարյանի անվան երաժշտական դպրոցում, 1980-84թթ` Պ.Չայկովսկու անվան երաժշտական դպրոցի ջութակի դասարանում: Մասնակցել է բազմաթիվ մրցույթների և արժանացել առաջատար մրցանակների: 1993թ. Երևանի Կոմիտասի անվան պետական կոնսերվատորիայում ստացել է գիտությունների թեկնածուի աստիճան: Ջութակով կատարել է բազմաթիվ դասական երաժշտական ստեղծագործություններ և արժանացել պարգևների: 2003-05թթ և 2013-14թթ մասնակցել է աշխարհահռչակ երաժիշտ Յաննիի հյուախաղերին, աշխարհի բազմաթիվ երկրներում: 2004թ. Նյու Յորքի «Բիգ Էփլ» երաժշտական փառատոնի ժամանակ արժանացել է մրցանակի: 2007թ. Լոս Անջելեսի «Գոլդեն Սթար» երաժշտական մրցանակաբաշխության ժամանակ արժանացել է «Լավագույն երաժիշտ» մրցանակին: 2008թ. մասնակցել է Մոսկվայում անցկացվող «Կարոտ» միջազգային հայկական փառատոնին: Թողարկել է շուրջ 10 ձայնասկավառակ: