Սարգիս Սաֆարյան

Բեմանկարիչ

12 փետրվար, 1898 - 5 հունիս, 1975

Ծնվել է Արցախի Վանք գյուղում: Եղել է հայ կինոնկարչության հիմնադիրներից: 1926թ. ավարտել է Բաքվի գեղարվեստի ստուդիան: 1928թ. հրավիրվել է Երևան, եղել Հայկինոյի նկարիչ, ապա` տնօրենը, նպաստել ստուդիայի նկարիչ բեմադրական բաժնի ստեղծմանը: Որպես նկարիչ հանդես է եկել շուրջ 20 ֆիլմերում` «Պեպո» (1935թ., Միքայել Արուտչյանի, Վ.Սիդոմոն-Էրիստովի հետ), «Կարո» (1937թ.), «Զանգեզուր» (1938թ.), «Լեռնային հեղեղ» (1939թ.), «Դավիթ Բեկ» (1943թ.), «Անահիտ» (1947թ., Ալեքսեյ Դանդուրյանի, Յու.Շվեցի հետ), «Պատվի համար» (1956թ., Միքայել Արուտչյանի հետ), «Մոր սիրտը» (1957թ., Հրաչյա Մեքինյանի հետ), «Նվագախմբի տղաները» (1960թ., Միքայել Արուտչյանի հետ), «Դժվար անցում» (1964թ.) և այլն: 1965թ. արժանացել է Հայաստանի վաստակավոր նկարչի կոչման: Մահացել է Երևանում: