Ծնվել է Բաքվում: 1927-31թթ սովորել է Մոսկվայի բարձրագույն գեղարվեստատեխնիկական ինստիտուտում: 1924թ-ից աշխատել է Երևանում: Երևանի Առաջին պետթատրոնում (այժմ` Գ.Սունդուկյանի անվան ազգային ակադեմիական թատրոն) ձևավորել է Մոլիերի «Տարտյուֆ» (1924թ.), Վ.Շեքսպիրի «Օթելլո» (1926թ.), Ա.Օստրովսկու «Եկամտավոր պաշտոն» (1929թ.), Մ.Գորկու «Եգոր Բուլըչովը և ուրիշները» (1932թ. և 1952թ.), Երևանի ռուսական դրամատիկական թատրոնում` Գ.Յաղջյանի «Ճշմարտություն» (1962թ.) պիեսների և Ա.Սպենդիարյանի անվան օպերայի և բալետի թատրոնում` Ա.Խաչատրյանի «Երջանկություն» բալետի (1939թ.) բեմադրությունները և այլն: Հեղինակել է «Գեորգի Յակուլով» գիրքը: 1962թ. արժանացել է Հայաստանի արվեստի վաստակավոր գործչի կոչման: Մահացել է Երևանում: