Zark Foundation

Սիրանուշ Լազյան

Սիրանուշ Լազյան

Դերասանուհի

Ծնվել է 1986թ. հունիսի 19-ին, Երևանում: Դերասան Սամվել Դանիելյանի կինն է: 2003թ. ավարտել է Երևանի Ս.Բյուրատի անվան թիվ 125 միջնակարգ դպրոցը: Դպրոցին զուգահեռ հաճախել է Երևանի քաղաքապետարանի մանկապատանեկան ստեղծագործական կենտրոնի «Ասմունք և թատերգություն» խմբակ: 2004թ-ից աշխատում է Երևանի Պատանի հանդիսատեսի պետական թատրոնում` որպես դերասանուհի: Խաղացած ներկայացումներից են` «Մահապարտը» (Մերի), «Տիկին Բուքը» (Մարիհեն), Վ.Քաչայի «Գիշատիչների խնջույքը» (Ֆրանսուազ), Ռ.Մարուխյանի «Չիկարելիի արկածները» (Չիկարելի), Հ.Թումանյանի «Տերն ու ծառան» (Ծաղրածու), Ա.Վամպիլովի «Ավագ որդի» (Նինա), «3 նարնջի մասին» (Նինետա), Վ.Պետրոսյանի «Վերջին ուսուցիչ» (Աշակերտ Գայանե), «Ալի Բաբան և 40 ավազակները» (Մարջան), Ա.Խնկոյանի «Մկների ժողովը» (Ցիցո), Կ.Խոդիկյանի «Հրեշտակ ցպահանջ» (Նարե) և այլն: Նկարահանվել է «Պահանջվում է միլիոնատեր» (2010թ.) ֆիլմում, բազմաթիվ գովազադային հոլովակներում, հեռուստահաղորդումներում, հեռուստասերիալներում: 2015թ. արժանացել է ՀԹԳՄ «Արտավազդ» մրցանակի` որպես «Լավագույն երիտասարդ դերասանուհի»: