Սոնա Վարդանյան

Բալետի արտիստ

Ծնվել է 1988թ. հուլիսի 24-ին, Երևանում: 2005թ. ավարտել է Երևանի պարարվեստի պետական ուսումնարանը և ընդունվել Երևանի Ա.Սպենդիարյանի անվան օպերայի և բալետի ազգային ակադեմիական թատրոն՝ որպես բալետի դերասան, հետագայում՝ մենապարուհի: Հանդես է եկել հետևյալ բալետային ներկայացումներում` Լ.Մինկուսի «Դոն Կիխոտ» (Հավերժահարս), Ա.Խաչատրյանի «Սպարտակ» (Ֆրիգիա), «Գայանե», «Բախի կրքեր», «Ստաբատ Մատեր», Ա.Ադանի «Ժիզել», Ֆ.Շոպենի «Շոպենիանա», Ժ.Բիզեի, Ռ.Շչեդրինի «Կարմեն», Ա.Պիացոլլայի «Տանգո» և այլն: Երևանի օպերայի և բալետի ակադեմիական թատրոնի բալետային խմբի հետ հյուրախաղերով հանդես է եկել մի շարք երկրներում: 2005թ-ից դասական պար է դասավանդել Երևանի Մ.Մալունցյանի անվան արվեստի դպրոցում, իսկ 2011թ-ից՝ Երևանի պարարվեստի պետական ուսումնարանում: 2023թ. արժանացել է ՀՀ ԿԳՄՍ նախարարության ոսկե մեդալի: