Ծնվել է 1961թ. հունիսի 5-ին, Երևանում: 1980-85թթ սովորել է Երևանի Կոմիտասի անվան պետական կոնսերվատորիայի կոմպոզիտորական բաժնում, 2000-02թթ` Լոս Անջելեսի «City College»-ի ընդհանուր կինոյի բաժնում: 1981-92թթ աշխատել է Հայաստանի պետական հեռուստաընկերությունում` որպես խմբագիր, այնուհետև` ռեժիսոր: 1992-97թթ աշխատել է ՀՀ ՆԳՆ լրատվության վարչությունում` որպես ռեժիսոր-մոնտաժող, 2000-05թթ` Լոս Անջելեսի «Մերիդիան» և «Արտին» հեռուստաընկերություններում` որպես ռեժիսոր, 2005-06թթ` հոլիվուդյան «Wood Holly» պրոդյուսերական կենտրոնում` որպես մոնտաժող: 1998թ. Լոս Անջելեսում եղել է «Delusion» ֆիլմի մոնտաժողը և կոմպոզիտորը: Եղել է նաև մի շարք ֆիլմերի բեմադրող ռեժիսորը` «Երևան Բլյուզ» (1997-98թթ), «Բանդա» (1998-99թթ), «Ռեինկարնացիա» (1999թ.), «Չգրված օրենք» (2002-03թթ), «Խավարման օրը» (1999-2000թթ), «Սարդոստայն» (Լոս Անջելես, 2004-05թթ), «Ճակատագիր» (2006-07թթ), «Տաքսի, էլի լավա» (2008-09թթ), «Welcome papa» (Լոս Անջելես, 2009թ.) և այլն: 2007թ. «Ճակատագիր» ֆիլմի համար Լոս Անջելեսում արժանացել է «Audience Award» կինոփառատոնի «Լավագույն ռեժիսոր» մրցանակին: Նկարահանել է շուրջ 70 գովազդային և շուրջ 30 երաժշտական հոլովակներ: 1999թ. և 2009թ. Հայկական երաժշտական մրցանակաբաշխության ժամանակ արժանացել է «Տարվա լավագույն երաժշտական հոլովակ» մրցանակին:
