Վարդան Վանատուր

Բանաստեղծ

14 հունվար, 1937 - 29 նոյեմբեր, 2022

Վարդ Ավագյան
Ծնվել է Ախալքալակի շրջանի Կուլիկամ գյուղում։ 1955թ. ավարտել է Ախալքալակի Հ.Թումանյանի անվան միջնակարգ դպրոցը, 1958թ.` Ախալքալակի գյուղատնտեսական ինստիտուտը, 1967թ.` Երևանի պետական համալսարանի բանասիրական ֆակուլտետի հայոց լեզվի և գրականության բաժինը։ Աշխատել է «Լույս» և «Սովետական գրող» հրատարակչություններում, 1975-99թթ՝ «Նաիրի» հրատարակչությունում։ 1980թ-ից եղել է Հայաստանի գրողների միության անդամ: Գրական մամուլում պարբերաբար տպագրվել են նրա բանաստեղծությունները` «Լույսի կոհակներ», «Լեռնաստան», «Լույսը ձեզ», «Լույսի արցունքներ», «Լույսի նժար», «Լույս իմացեալ», «Լույսի պատարագ», «Խորան լուսո», «Լույս տառապանքի» (2000թ.), «Եվ լույս կլինի» (2003թ.), «Մենախոսություն վերջալույսին» (2004թ.), «Անենթակա լռություն» (2007թ.), «Խոսքերի աքսորավայր» (2011թ.) և այլն: Հեղինակել է նաև «Ասք գրոց» պոեմը: 2007թ. արժանացել է ՀԳՄ «Գրական վաստակի համար» մեդալի, 2008թ.՝ Հակոբ Մեղապարտի անվան մեդալի, 2012թ.՝ ՀՀ մշակույթի նախարարության ոսկե մեդալի, 2013թ.՝ ՀԳՄ «Հրանտ և Մանուշակ Սիմոնյաններ» մրցանակի։ Մահացել է Երևանում: