Վարթո Տերյան

Դերասանուհի, բեմադրիչ

11 մայիս, 1896 - 2 հոկտեմբեր, 1974

Ծնվել է Իրանի Թավրիզ քաաքում: Եղել է դերասան, բեմադրիչ Արտո Տերյանի կինը և Իրանում առաջին կինն, ով կատարել է բեմադրություն և բեմ է բարձրացել: Հանդես է եկել «Լալա» բեմական անունով: Նախնական կրթությունն ստացել է Թեհրանում, այնուհետև ուսումը շարունակելու նպատակով մեկնել է Շվեյցարիա, որտեղ սովորել է նաև բեմական խոսքի արվեստ: Վերադարձել է Թեհրան, ամուսնացել, և ամուսնու հետ միասին հանդես է եկել բազմաթիվ ներկայացումներում: Շուրջ 25 տարի գործել է թատերական ասպարեզում: Խաղացել է պարսկական պիեսներում, արժանացել «Իրան», «Միություն», «Իրանի աստղ», «Ազատ Իրան», «Օրենք», փարիզյան «Մերքուր դը Ֆրանս» ամսագրերի գովասանքին ու մեծարմանը: Եղել է ֆրանսերեն լեզվի պրոֆեսոր, ֆրանսերեն լեզու և գրականություն է դասավանդել Թեհրանի մանկավարժական ուսումնարանում: Մահացել է Թեհրանում: