Վարուժան Եփրեմյան

Գեղանկարիչ

Ծնվել է 1959թ. հուլիսի 30-ին, ՀՀ Արտաշատ քաղաքում: 1978թ. ավարտել է Երևանի Փ.Թերլեմեզյանի անվան գեղարվեստի ուսումնարանը, 1987թ.՝ Երևանի գեղարվեստաթատերական ինստիտուտը՝ Արա Բեքարյանի արվեստանոցը: 1995թ-ից Հայաստանի նկարիչների միության անդամ է: Դարձել է նաև Ռուսաստանի նկարիչների ստեղծագործական միության և նկարիչների «Միր» ստեղծագործական միության անդամ: Մասնակցել է խմբակային ցուցահանդեսների Ռուսաստանում, Գերմանիայում, ԱՄՆ-ում և այլուր: Անհատական ցուցահանդեսներ է ունեցել Երևանում (1981թ.), ԱՄԷ-ում (1992թ.), Շվեդիայում (1994թ.), Սանկտ Պետերբուրգում (2009թ., 2011թ., 2012թ.), Մոնակոյում (2010թ.):