Վերոնիկա Սարոյան

Դերասանուհի

Ծնվել է 1978թ. հոկտեմբերի 23-ին, Երևանում: 1996թ. ավարտել է Երևանի Կ.Ստանիսլավսկու անվան ռուսական դրամատիկական թատրոնի դերասանական ստուդիան, որից հետո ընդունվել աշխատանքի նույն թատրոնում` որպես դերասանուհի: Մարմնավորել է մի շարք դերեր տարբեր ներկայացումներում, որոնցից են` Շենոյի «Եղեք առողջ» (Լյուսի, Վիվիեն), Գ.Գորինի «Հիշատակի աղոթք» (Գոլդա), Ա.Օստրովսկու «Իմաստունն էլ է երբեմն միամիտ լինում» (Մաշենկա, Մամաևա), «Ամեն ինչ վաճառվում է» (Եվգենիա), Լ.Շանթի «Ինկած բերդի իշխանուհին» (Իշխանուհի Սոֆյա), Ա.Ցագարելիի «Խանումա» (Սոնա, Կաբատո, Խանումա), Ն.Գոգոլի «Ռևիզոր» (Աննա Անդրեևնա), Յ.Պոլյակովի «Աֆրոդիտեի ձախ կուրծքը» (Նինա), Ա.Շիրվանզադեի «Մորգանի խնամին» (Նատաշա), Ա.Չեխովի «Երեք քույր» (Օլգա), Բրիկերի և Լասենգի «Ախ, այդ ֆրանսիական հնարքները» (Մաթիլդա) և այլն: Դասավանդել է Երևանի Կ.Ստանիսլավսկու անվան ռուսական թատրոնի ստուդիայում: 2010թ. արժանացել է Հայաստանի վաստակավոր արտիստի կոչման: